Тошкент вилояти Пискент туманидаги жазони ўташ манзил колониясида икки маҳкум ўртасида жанжал содир бўлди. Бу ҳақда ”Замон“ информацион дастурида хабар қилинди.
Маълум қилинишича, 50-сонли манзил колония ётоқхонасида илгари тўрт маротаба судланган шахс ўзаро тортишув вақтида бошқа бир маҳкумга тан жароҳати етказган.
”Кечаси қўлида темир бор эди, менга отди. Мен эса унинг иягига урдим, у ўнг оёғи сирпаниб кетиб, ерга тушди”, — дейди айбланувчи.
Айбланувчи Ш.Х. Жиноят кодексининг 104-модда (қасддан баданга оғир шикаст етказиш) 3-қисми ”д” бандида назарда тутилган жиноятни содир этганликда айбли деб топилди.
Унинг ўталмай қолган жазосини қисман қўшиш йўли билан узил-кесил 10 йил озодликдан маҳрум қилиш жазоси тайинланди.
