Буюк Британиянинг янги бош вазири Риши Сунак Украина президенти Владимир Зеленский билан биринчи телефон суҳбатини ўтказди ва у Киевни қўллаб-қувватлашда давом этишга ваъда берди. Бу ҳақда "daily.com" хабар бермоқда.
"Бош вазирнинг таъкидлашича, Бирлашган Қироллик ўзининг Бош вазир сифатидаги фаолияти давомида Украинага худди шундай кучли ёрдамни кўрсатишда давом этади", - дейилади Британия ҳукумати раҳбари идораси хабарида.
Қайд этилишича, Британия бош вазири ва Украина президенти Россияга қарши “иқтисодий санкциялар сиёсатини давом эттириш зарурлиги тўғрисида келишиб олган”.
Бундан ташқари, Сунак Зеленский билан шахсий учрашувга умид билдирди.
Эслатиб ўтамиз, Ҳиндистон муҳожирларининг ўғли бўлган собиқ молия вазири, 42 ёшли осиёлик Сунак ҳокимиятдан четлатилган Лиз Трасс ўрнига Буюк Британиянинг янги бош вазири бўлди.
