"Ўзбекистонда суд экспертизасининг долзарб муаммолари ва уларнинг илмий-инновацион ечимлари" мавзусида илмий-амалий конференция ўтказилди.
Унда суд экспертлик фаолиятининг илмий-назарий ҳамда услубий ва ҳуқуқий асосларини такомиллаштириш, суд экспертлик фаолиятида янги инновацион технологияларни жорий этиш ва ахборот хавфсизлиги сиёсати, криминалистик экспертизаларни ўтказиш шароитлари муҳокама қилинди.
Шунингдек, одам ДНКси суд-биологик экспертизасининг замонавий имкониятлари, суд-сиёсатшунослик-лингвистик ва филологик экспертизаларининг замонавий усуллари, суд-товаршунос ва иқтисодий экспертизаларнинг муаммолари, суд фонография ва компьютер-техник экспертизаларининг замонавий имкониятлари каби мавзулар бўйича муаммо ва таклифлар тингланди.
Расмий қисмдан сўнг эса ОАВ вакиллари учун Марказ лаборатория ва бўлимларида пресс-тур ўтказилди. Унда суд экспертизаси лабортароясининг имкониятлари ҳақида батафсил маълумотлар берилди.
Ойбек Шукуров.
