Луиз Мигел оммавий тартибсизликка сабаб бўлган ўйин боис жаримага тортилди

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

Маълум қилинишича, "Сурхон" ва "Пахтакор" жамоалари ўртасидаги баҳсда меҳмонлар футболчиси Мигел захирага олинганидан сўнг тўп берувчи болалардан тўпни олиб қўйиб, вақт чўзишга ҳаракат қилди.

Бу иши орқали Мигел оммавий тартибсизлик келиб чиқишига сабаб бўлди ва шу боис у жаримага тортилди.