Бугун Ўзбекистоннинг айрим ҳудудларида кучли ёмғир ёғади

2 ноябрь куни Ўзбекистон бўйича ёмғир ёғади, баъзи жойларда кучли бўлади, Бухоро, Навоий вилоятларида эрталаб баъзи жойларда бироз ёмғир ёғади.

Қорақалпоғистон Республикаси, Хоразм вилоятида ёғингарчилик кутилмайди. Баъзи жойларда туман тушиши мумкин. Шамол 7-12 м/с тезликда эсади, баъзи жойларда 15-20 м/с гача кучайди. Ҳаво ҳарорати +10+15 илиқ бўлади. 

Тошкент шаҳрида вақти-вақти билан ёмғир ёғади. Шамол 5-10 м/с тезликда эсади, 12-15 м/с гача кучайиши мумкин. Ҳарорат +11+13 илиқ бўлади.

Тоғли ҳудудларда вақти-вақти билан ёмғир, қор ёғади, баъзи жойларда кучли бўлади. Туман тушиши мумкин. Шамол 7-12 м/с тезликда эсади, баъзи жойларда 15-20 м/с гача кучаяди. Ҳарорат +2+7 илиқ бўлади.