Бодибилдинг бўйича кўп карра Ўзбекистон, Осиё ва жаҳон чемпиони Алена Нураева вафот этди. Бу ҳақда Бодибилдинг, фитнес ва мас-рестлинг федерацияси хабар берди.
Маълум қилинишича, спортчининг ўлимига лейкемия касаллиги сабаб бўлган.
"Сиз ушбу касалликка қарши жасорат билан курашдингиз, аммо, афсуски, касаллик кучлилик қилди ...Сизни шундай ажойиб шахс ва ажойиб спортчи сифатида эслаймиз!", – дейилади федерация хабарида.
Нураева турли республика ва халқаро мусобақаларда 9 та олтин ва 4 та кумуш медални қўлга киритган.
