Ижтимоий тармоқларда “Паркентда қизлар жанжаллашди” изоҳи билан видео тарқалмоқда.
Мазкур ҳолат туман ИИБ ходимлари томонидан ўрганилди, дея хабар бермоқда Тошкент вилояти ИИББ матбуот хизмати. Маълум бўлишича, видеодаги воқеа, 2022 йилнинг июнь ойида, Паркент тумани 43-мактабнинг 2 нафар, 2003 ва 2004 йилда туғилган битирувчи (ўқувчи) қизлари ўртасида келиб чиққан.
Шу кунга қадар, улар ёки яқинлари томонидан Ички ишлар органларига мазкур воқеа билан боғлиқ мурожаат ёки ариза келиб тушмаган.
Воқеа жанжални томоша қилган 20 ёшли йигит С.З. томонидан тасвирга олинган ва бугунги кунга келиб интернет тармоқларида тарқатилган.
Ўрганиш давомида, ушбу шахсларнинг хатти-ҳаракатида Ўзбекистон Республикаси МЖтКнинг 183-моддасида кўрсатилган ҳуқуқбузарлик аломатлари бўлганлиги сабабли, маъмурий баённома расмийлаштирилиб, тўпланган ҳужжатлар қонуний чора кўриш учун ЖИБ Паркент тумани судига юборилди.
