"Мен "шок"даман, халқни норози қилиб келган Мирзаев Президентга яхши маслаҳатчи бўла олишига ишонмайман". Кушербаев "кўтарилган" Сирдарё вилояти ҳокими ҳақида гапирди

ЖАМИЯТ 25.11.2022, 12:40
Теглар: Расул Кушербаев, Ғофуржон Мирзаев
"Мен "шок"даман, халқни норози қилиб келган Мирзаев Президентга яхши маслаҳатчи бўла олишига ишонмайман". Кушербаев "кўтарилган" Сирдарё вилояти ҳокими ҳақида гапирди

Сал аввал, Сирдарё вилояти ҳокими Ғофуржон Мирзаев Президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинлангани хабар қилинган эди. Олий Мажлис Қонунчилик палатаси депутати Расул Кушербаев янги маслаҳатчи бўйича шахсий мулоҳазаларини эълон қилди. 

"Сирдарёда Сардоба сув омбори талофатидан жабр кўрган тадбиркорларга компенсация пулларини тўлиқ қоплаб бермаган, Президент Администрацияси топшириқларини ҳам бажармай, тадбиркорларни норози қилиб келган Ғофуржон Мирзаев Президентга маслаҳатчи бўлибди.  

У давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчи ҳисобланади. Очиғи мен ҳеч кутмагандим, "шок"даман.

Бу кишини тадбиркор ва фуқароларни норози қилиб келгани учун кўп танқид қилганман ва уларнинг Президентга яхши ва холис маслаҳатчи бўла олишига ишонмайман. Кўрамиз Ғофуржон Мирзаев янги лавозимидан фойдаланиб ўзини танқид қилганларга босим ўтказиб, ишдан четлатишни бошлайдими йўқми. Майли ўлмасак кўраверамиз", - дея ёзиб қолдирди фаол депутат. 

Эслатиб ўтамиз, Ғофуржон Мирзаев тайинланган лавозим янги ташкил этилган бўлиб, аввалги иккита маслаҳатчи лавозимини бирлаштириш орқали ташкил этилган. 

Шарҳлар

"Монополист истеъмолчилар ҳуқуқларини бузишда давом этмоқда" – Расул Кушербаев

16.10.2021, 10:00

"UzAuto Motors"  4-позиция Chevrolet Cobalt’ни кутаётган мижозларга автомобил ўриндиғини иситиш модулисиз таклиф этмоқда. Ушбу комплектация 1 млн сўмни ташкил этади ҳамда ушбу сумма мижозга қайтариб...
Расул Кушербаев: "Бу рекорд кўрсаткич". Депутат 2021 йилнинг олти ойида мансабдорлар томонидан содир этилган коррупцион ҳолатларга муносабат билдирди

28.09.2021, 16:56

Ўзбекистонда 2021 йилнинг олти ойида 2544 нафар мансабдор шахс коррупция билан боғлиқ жиноятлари учун жавобгарликка тортилган.  Давлат ва жамиятга етказилган зарар ҳозирча 592 млрд сўм....
Расул Кушербаев: "Uzavto Motors" монополияси ўзбекистонликларни кулгуга қолдирмоқда

23.09.2021, 17:07

Қозоғистон телевидениесида “GM” дан автомобил сотиб олиш учун ойлаб кутаётганлар ҳақидаги мавзу ёритилди. "Олдиндан пулини тўлаб қўйиб автомобилини ола олмаётган ўзбекистонликлар сафи 30 мингдан ортди... Шунга...
"Қонунсизликнинг чўққиси" – Расул Кушербаев Сурхондарёда дарахтлар ноқонуний кесилаётганини маълум қилди

04.07.2021, 17:43

Деновда дарахтлар билан боғлиқ вазият биз ўйлагандан кўра жиддийроқ бўлиб чиқди. Бу ҳақда Олий Мажлис Қонунчилик палатаси депутати Расул Кушербаев ўзининг телеграм каналида маълум қилди. "Туман...
Об-ҳаво: Тошкент
Валюта курси
1