Россия ва Туркия президентлари Владимир Путин ва Ражаб Тоййиб Эрдўғон икки давлатнинг савдо ва энергетика лойиҳаларида рекорд даражада ўсганини, ғалла келишуви ва Сурия масаласини ҳал қилиш масаласини муҳокама қилди. Бу ҳақда якшанба куни Кремль матбуот хизмати хабар берган.
– Турли соҳалардаги икки томонлама ҳамкорликни кенгайтириш масалалари атрофлича муҳокама қилинди. Хусусан, етакчилар икки давлат ўртасидаги савдо ҳажми рекорд даражада ўсганини таъкидладилар. Энг аввало, газ саноатида қўшма энергетика лойиҳалари алоҳида аҳамият касб этиши таъкидланди. "Газпром" бошқаруви раиси Алексей Миллер Истанбулдаги музокаралар натижаларини инобатга олган ҳолда Туркияда минтақавий газ ҳабини ташкил этиш ташаббуси юзасидан фикр алмашишни давом эттирди”, — дейилади хабарда.
Лидерлар, шунингдек, Қора денгиз портларидан Украина ғалласини экспорт қилиш ҳамда Россияга ўғит ва қишлоқ хўжалиги маҳсулотларини экспорт қилиш бўйича 22 июлдаги Истанбул келишувларининг бажарилишини муҳокама қилдилар.
“Ушбу битим мураккаб характерга эга бўлиб, у энг муҳтож мамлакатлар эҳтиёжларини қондириш учун Россия Федерациясидан етказиб бериш йўлидаги тўсиқларни олиб ташлашни талаб қилади. Путин Украина атрофидаги вазиятга ўзининг фундаментал баҳосини айтди”, — дейилади матбуот хизмати хабарида.
Путин ва Эрдўғон Суриядаги вазиятни Россия-Туркия 2019 йилги англашув меморандуми қоидаларига риоя қилиш контекстида ҳал қилиш масаласига ҳам тўхталди.
“Мамлакатларнинг ташқи сиёсат ва мудофаа вазирликлари бу борада яқин алоқаларни давом эттиради”, — дея таъкидлади Кремль.
