45 ёшли Ўзбекистонлик Абдужалол Умирзоқов 7 ой олдин рафиқаси 33 ёшли Шаҳло Мухторова ва 3 нафар фарзанди билан Туркияга келган.
Маълум бўлишича, аёл ўлимидан икки ой олдин иш топган ва Фотиҳ туманида яшай бошлаган.
Абдужалол Умирзоқов 25 ноябрь, жума куни Фотиҳга бориб, хотинини Ғозийусмонпошшо, яъни ўзи яшаётган тумандаги уйига олиб келади. Шаҳло Мухторова Абдужалол Умирзоқовга ишлаш учун қайтишини айтади. Бу масалада эр-хотин жанжаллашади. Ўзаро жанжалдан кейин Абдужалол Умирзоқов ошхонадан олган пичоқ билан 10 йиллик турмуш ўртоғи, уч фарзандининг онаси Шаҳлонинг турли жойларига пичоқ урган.
Жанжал овозини эшитган қўшнилар полиция ва тез ёрдамга хабар беришган. Ғозийусмонпошшо жамоат хавфсизлиги бюроси гуруҳи воқеа жойига келиб, Абдужалол Умирзоқовни қўлга олган. Тез ёрдам ходимлари аёлнинг вафот этганини аниқлаган.
Аёлнинг жасади Суд-тиббиёт экспертизаси институтига олиб кетилган бўлса, Умирзоқов ички ишлар бўлимида ўтказилган муолажалардан сўнг суд биносига ўтказилган.
Маҳалладаги дўкондорлардан бири Метин Ишалнинг айтишича, воқеа кечки соат 22:00 атрофида содир бўлган. Бу ерда ўзбек оиласи бир ойдан бери яшаётган бўлган.
"Бизнинг дўконимизга бир неча бор келган эди. У киши катта эди, ҳаракатлари ғалати эди. Уни нима учун ўлдирганини билмайман. Эшитишимча, хотини билан жанжаллашиб, шундай бўлган", - дейди Метин Ишал.
