Жорий йилнинг 7 декабрь куни соат 22:30 атрофида отасига тегишли бўлган Матиз автомашинасини ҳайдовчилик гувоҳномасига эга бўлмаган 14 ёшли бола кўчага ҳайдаб чиқиб кетган.
Катта тезликда автомобилни бошқариб кетаётган болакай автомобилнинг рул бошқарувини йўқотиши натижасида йўл четида турган юк автомашинасининг ўнг томон қисмига бориб урилган.
Ушбу ЙТҲ натижасида йўловчи сифатида кетаётган 14 ёшли мактаб ўқувчиси ҳалок бўлган. Автомашинани бошқарган вояга етмаган бола тан жароҳатлари билан шифохонага ётқизилган.
"Дадамнинг автомобилини минишга қизиққанлигим сабабли уни катта кўчага олиб чиқиб бошқаргандим", — деди автомашинани бошқарган бола.
