Бухоро вилоятида "Wyndham Bukhara" меҳмонхонасининг очилиш маросими бўлиб ўтди.
Маълумот ўрнида айтиш жоизки, собиқ "Bukhara Palace" меҳмонхонаси илк марта 1996 йилда очилган бўлиб, қайта реконструкция қилиниб, янги "Wyndham Bukhara" номи остида ўз фаолиятини бошламоқда. Меҳмонхонада сайёҳлар учун қўшимча 212 та хона ва 450 ўрин, шу жумладан, 4 та президент типидаги хоналар яратилган.
Шунингдек, меҳмонхонада йирик конференция заллари, ресторан, бар, бассейн, фитнес заллари, турк ва фин ҳаммоми, автотураргоҳ каби қўшимча хизматлар кўрсатилади.
Рақамларга эътибор қаратадиган бўлсак, 2022 йилда вилоятга ташриф буюрган сайёҳлар сони 2,7 млн. нафар, хорижий туристлар сони 552.6 минг нафардан ортиб, ўтган йилнинг шу даврига нисбатан 11 бараварга кўпайганини кўрсатади.
Айни дамда Бухорода туризмнинг 15 тури мавжуд. Булар зиёрат, гастрономик, бизнес, экотуризм, этнотуризм, энотуризм, спорт, ишбилармонлик, таълим, тиббий, транзит, сафари, агротуризм, тарихий туризм, МICE туризмлардир.
Маълумот учун, 2023 йилда хорижий сайёҳлар сонини 7 миллионга, маҳаллий сайёҳлар сонини эса 12 миллион нафарга етказиш режалаштирилган.
