Туркия президенти Ражаб Тоййиб Эрдўғон Анқарадаги президентлик саройида Бахчели билан бир соатлик учрашув ўтказди ва асосий муҳокама мавзуси 2023 йилги сайлов санаси бўлди.
Маълум қилинишича, президент ва унинг иттифоқдоши парламент ва президентлик сайловларининг биринчи турини аввал белгиланганидек 18 июнь ўрнига 30 апрелда ўтказиш бўйича “дастлабки келишув”га эришган.
Баҳчели билан учрашгандан сўнг, Эрдўған партия етакчилари билан ҳам учрашган ва уларга МҲП раҳбарининг сайловларнинг эртароқ ўтказилишига эътирози йўқлигини, апрель ойи охирида бўладиган сайловларга тайёргарлик кўришни бошлашлари кераклигини айтгани айтилмоқда.
Агар сайловлар бошқа муддатга кўчирилган тақдирда, 14 май куни президентлик сайловининг иккинчи босқичи бўлиши "жуда катта эҳтимол" эканлиги айтилмоқда.
Депутатлар томонидан қўллаб-қувватланса, камида 360 депутатнинг овози бўлса, муддатидан олдин сайлов ўтказиш қарори парламентда қабул қилиниши мумкин. Акс ҳолда, Эрдўғон фармони билан сайловлар эртароқ ўтказилиши мумкин.
Аввалроқ Эрдўғон муддатидан олдин сайловларни бир неча бор рад этган эди.
