Россия президенти Владимир Путин мудофаа вазири Сергей Шойгуга 6 январь соат 12:00 дан 7 январь 24:00 гача Украинада ўт очишни тўхтатиш режимини жорий этиш бўйича топшириқ берди, деб хабар берди Кремль матбуот хизмати.
“Ҳазрати Патриарх Кириллнинг мурожаатини инобатга олиб, Россия Федерацияси Мудофаа вазирига 6 январь соат 12:00 дан 7 январь соат 24:00 га қадар Украинадаги томонлар ўртасидаги барча алоқа чизиғи бўйлаб ўт очишни тўхтатиш режимини жорий этишни топшираман”, - дейилади баёнотда.
Кремлнинг таъкидлашича, православликни тан олган кўплаб фуқаролар жанговар ҳудудларда истиқомат қилади, шунинг учун Россия Украина томонини уларга "Рождество арафасида, шунингдек, Масиҳнинг туғилган кунида маросимларда қатнашиш" имкониятини беришга чақиради.
