Бишкекдан Истанбулга учаётган “Turkish Airlines” авиакомпаниясининг ТК344 йўловчи рейси манзил аэропортдаги ноқулай об-ҳаво шароити – туман, кўриш масофаси 800 м, туфайли “Тошкент” халқаро аэропортига фавқулодда қўнди.
Экипаж муқобил аэродромга жўнаб кетишга қарор қилди.
Бортида 184 йўловчи бўлган самолёт маҳаллий вақт билан соат 09:42 да келиб қўнди. Айни пайтда самолётнинг белгиланган аэропортга парвозини давом эттириш имконияти ўрганилмоқда.