Нодирбек Абдусатторов "Tata Steel Chess-2023" турнирида ҳиндистонлик Эригаиси Аржун устидан ишончли ғалабага эришиб, "Мастер" гуруҳидаги пешқадамлигини мустаҳкамлади. Энди унинг ҳисобида 7 турдан сўнг 5.5 очко мавжуд.
Шунингдек, «Челленжер» гуруҳида қатнашаётган Жавоҳир Синдоров ҳам навбатдаги ютуққа эришди. Жавоҳир мезбон Элин Роберсни мағлуб этиб, очколарини 5 тага етказиб олди.
