Андижондаги қотиллик тавсилотлари очиқланди. Қотил бегона эмас

ЖИНОЯТ 26.01.2023, 21:04
Андижондаги қотиллик тавсилотлари очиқланди. Қотил бегона эмас

Хўжаобод туманидаги хонадонларнинг бирида 62 ёшли аёл ва унинг 17 ёшли жиянининг жасади қотиллик аломатлари билан топилгани ҳақида хабар берган эдик. 

Ўзбекистон Республикаси Бош прокурорининг матбуот котиби Хаёт Шамсутдинов ҳодиса тавсилотларини очиқлади.   

Аниқланишича, 25 январь куни соат 18.30 ларда 30 ёшли эркак аммасининг яшаш уйида кредит қарздорлигини тўлаш учун қарзга пул сўраган ва аммасидан рад жавобини олган.

Рад жавобидан жаҳли чиққан эркак пул маблағларини қўлга киритишни мақсад қилиб, аммаси ва у билан яшовчи жияни (амакисининг қизи) ни хўжалик пичоғи билан қасддан ўлдирган.  

Шундан сўнг, у хонадонда бўлган 7 млн. сўм пулни қўлга киритиб, воқеа жойидан яширинган.  

Олиб борилган тезкор-қидирув тадбирлари натижасида гумонланувчи шахс ушланган.

Тергов ҳаракатлари давом этмоқда.

Шарҳлар

Об-ҳаво: Тошкент
Валюта курси
1