Ўзбекистон Президенти Шавкат Мирзиёев Қирғизистонга ташрифи доирасидаги кенгайтирилган таркибдаги йиғилишдан сўнг журналистлар билан ўтказилган суҳбатда қуйидагиларни таъкидлади:
"Давлат ташрифи мамлакатларимиз ўртасида дипломатик муносабатлар ўрнатилганининг 30 йиллиги нишонланадиган йилда амалга оширилаётгани рамзий маънога эга.
Мулоқот чоғида кўп қиррали ҳамкорлигимизнинг асосий йўналишларини атрофлича муҳокама қилдик. Аммо биз эришган нарса аллақачон тарихдир ва бизга истиқбол керак, уни ривожлантириш учун барча даражаларда кўрсатмалар берилди.
Импорт ўрнини босиш, Тошкент ва Бишкекда савдо марказларини ташкил этиш орқали товар айирбошлаш ҳажмини 2 миллиард долларга етказишга келишиб олдик.
Давлат чегараси ҳақидаги шартномани ратификация қилиш ёрлиқларини алмашдик. Чегараларнинг ўрнатилиши халқларимиз узоқ йиллар давомида интиқлик билан кутган тарихий воқеадир. Бизнинг нотинч дунёмизда бу фавқулодда эҳтиёж, бутун минтақа учун барқарорлик ва хавфсизлик кафолати.
Ҳар томонлама стратегик шериклик тўғрисидаги декларациянинг имзоланиши барча соҳалардаги муносабатларнинг янги босқичи, келажакка пойдевор бўлди", - деди Шавкат Мирзиёев.
