“Барселона” жамоаси ҳужумчиси Лионель Месси “Атлетико”га қарши (1:1) Испания чемпионати 5-турида жароҳат олди. Бу ҳақда The Guardian нашри хабар бермоқда.
Аргентиналик 29 ёшли футболчи иккинчи бўлимнинг 55-дақиқасида оёғидан жароҳат олди. Месси катта эҳтимол билан оёғининг сон қисмидаги мушакларини шикастлаган. 58-дақиқада ҳужумчи захирага олинди ва ўрнига майдонга Арда Туран тушди.
Дастлабки тиббий текширувдан сўнг, Месси камида 3 ҳафта майдонга туша олмаслиги маълум бўлди. У Аргентина термасидаги ЖЧ–2018 турнирига саралаш учрашувлари ва Испания чемпионатидаги баъзи ўйинларни қўйиб юборади.
