Учтепа туманида яшовчи 28 ёшли Ш.Ф. 29 ёшли С.М. билан танишиб, ўзаро ёзишиб юришган. Бироз вақтдан сўнг, Ш.Ф. аёлнинг турмуш ўртоғига юборган фотосуратларини ўзининг телефонига юклаб олиб, ошкор қилиш билан қўрқитиб, унинг тилла тақинчоқлари ва пулларини эгаллаб олган. Бу ҳақда аёлнинг Учтепа тумани ИИО ФМБга келиб тушган аризасида айтилган.
Аёлнинг аризасига асосан, Ш.Ф. ушланган. Мазкур ҳолат юзасидан Ўзбекистон Республикаси Жиноят кодексининг 165-моддаси (“Товламачилик”) билан жиноят иши қўзғатилган. Тергов давом этмоқда.
