Шу йилнинг 15-26 февраль кунлари Германиянинг Дюсселдорф шаҳрида шахмат бўйича "WR Chess Masters" турнири ташкил этилади.
Соврин жамғармаси 130 минг еврони ташкил этадиган турнирда ҳамюртимиз Нодирбек Абдусатторов ҳам иштирок этади. Турнирда умумий ҳисобда 10 нафар шахматчи совринли ўринлар учун кураш олиб боради.
Мусобақада Нодирбекдан ташқари, Ян Непомняший, Аниш Гири, Со Уэсли, Левон Аронян, Ян-Кристоф Дуда, Гукеш, Винцент Кеймар, Прагнананда, Андрей Еспиенко каби таниқли гроссмейстерлар дона суради.
Эслатиб ўтамиз, шахматчимиз Нидерландиянинг Вейк-ан-Зее шаҳрида шахмат бўйича ўтган ҳафта якунига етган нуфузли «Tata Steel Chess-2023» турнирининг "Мастерс" гуруҳида 8 очко билан иккинчи ўринни эгаллаган эди. Яна бир шахматчимиз Жавоҳир Синдоров эса ушбу турнирнинг “Челленжер” гуруҳида 8,5 очко билан учинчи ўринга сазовор бўлди.
