Францияда фуқаро хатолик сабаб лотереядан 17 миллион евро ютиб олди

ДУНЁ 04.02.2023, 09:09
Францияда фуқаро хатолик сабаб лотереядан 17 миллион евро ютиб олди

Франция фуқароси электрон чипталар ўйналадиган кунни танлашда хатога йўл қўйиб, лотереядан 17 миллион евро ютиб олди. Бу ҳақда “zamon.uz” ёзмоқда

Франция қимор ўйинларини тартибга солувчи "Francaise des jeux" пайшанба куни эълон қилган хабарига кўра, бу январь ойида содир бўлган. 

Таъкидланишича, онлайн ўйнаган иштирокчи мақсадли равишда “13 жума куни ўз омадини синаб кўрган, бироқ тасодифан сана танлашда хатога йўл қўйган ва 14 январь билан якунланган”.

Эндиликда исмини ошкор қилишни истамаган 40 ёшли француз фуқароси ишини ташлаб, бизнес бошлаш, уй сотиб олиш ва саёҳат қилишни мақсад қилган. Бундан ташқари, ғолиб “супермаркетдан гўшт сотиб олишни тўхтатиб, уни тўғридан-тўғри қассобдан сотиб олишни” режалаштирмоқда.

2021 йил октябрь ойида Француз Полинезиясида яшовчи аёл EuroMillions лотереясида 220 миллион евро ютиб олганди. Бу ўйин тарихидаги энг катта жекпот.

Шарҳлар

Об-ҳаво: Тошкент
Валюта курси
1