Бугун, 4 февраль куни соат 1:53 да А-373 автомобил йўлининг 227 километрида “Тошкент - Водий” йўналишида ҳаракатланиб кетаётган “Merсedes-Benz” русумли юк машинасида ёнғин юзага келганлиги тўғрисида “Қамчиқ” Махсус қидирув, ёнғин-қутқарув бошқармасига хабар тушган. Бу ҳақда ФВВ матбуот хизмати хабар бермоқда.
Зудлик билан воқеа жойига Бошқарма бошлиғи Ҳ.Бобонов бошчилигида ёнғин-қутқарув экипажлари етиб бориб, ёнғин соат 2:28 да тўлиқ бартараф этилган. Автомашина юк хонасида бўлган маҳсулотларнинг асосий қисми ва ҳайдовчининг ҳаёти ёнғиндан сақлаб қолинган. Ҳодиса оқибатида тан жароҳати олган ва ҳалок бўлганнлар йўқ.
