Қорақалпоғистон Республикаси Қўнғирот туманида Nexia-3 ва юк машинаси иштирокида охири ўлим билан якунланган ЙТҲ содир бўлди. Бу ҳақда Қорақалпоғистон ИИВ матбуот хизмати хабар бермоқда.
Маълум қилинишича, 4 февраль куни А-380 Ғузор—Бухоро—Нукус—Бейнеу автомобиль йўлининг “Жаслиқ” посёлка фуқаролар йиғинидан ўтган қисмида Nexia-3 ҳайдовчиси Қўнғирот тумани йўналиши бўйлаб ҳаракатланиб кетаётганида бошқарувини йўқотиб, қарама-қарши йўналишда ҳаракатланиб кетаётган Мерседес-Бенз юк машинаси билан тўқнашиб кетган.
“КRuz.uz” хабарига кўра, ЙТҲ оқибатида “Жаслиқ” посёлкасида яшовчи 5 нафар одам — икки эркак ва уч нафар аёл вафот етган.
Ҳолат юзасидан Қорақалпоғистон Республикаси ИИВ қошидаги Тергов бошқармаси томонидан Жиноят кодексининг 266- моддаси 3-бўлим “а” (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) банди билан жиноят иши қўзғатилиб, ҳозирда тергов ҳаракатлари олиб борилмоқда.
