Жанубий Кореядан 4500 та янги автомобиль олиб кетаётган кема бортида ёнғин содир бўлди. Бахтсиз ҳодиса Ветнам қирғоқларида юз берган. Бу ҳақда zamon.uz хабар бермоқда.
Қайд этилишича, ёнғин оқибатида кемада бўлган барча транспорт воситалари жиддий шикастланган. Аҳ Шин юк кемасида электр транспорт воситалари ҳам бўлган, бу эса ёнғинни ўчиришни қийинлаштирган – мазкур ҳолатда ўчириш учун оддий сувдан фойдаланиш хавфли. Аланга ўчирилган.
Барча экипаж аъзолари бортда қолмоқда, ҳеч ким жабрланмаган. Ёнғин сабаблари ҳозирча номаълум.
