Муддати ўтган дебитор қарздорлик учун қўлланилган 1,7 трлн сўмлик жарималарни ундириш тўхтатилди. Бу ҳақда Солиқ қўмитаси хабар бермоқда.
Ҳаво ҳароратининг кескин совиб кетиши оқибатида қийинчиликларга дуч келган тадбиркорлик субъектларини қўллаб-қувватлаш ва фаолиятини жадал қайта тиклаш мақсадида Ўзбекистон Республикаси Президентининг жорий йил 3 февралда PQ-43-сонли қарори қабул қилинди.
Қарор билан 2023 йил 1 апрелга қадар ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўлланилиши, шунингдек, мазкур қарор кучга киргунига қадар қўлланилган жарималар ундирилиши тўхтатилди.
Бунинг натижасида ташқи савдо операциялари бўйича муддати ўтган дебитор қарздорлик учун хўжалик юритувчи субектларга қўлланилган 1,7 трлн сўм миқдоридаги жарималарни ундириш ҳамда 667,5 млрд сўмлик жарималарни қўллаш бўйича кўрилаётган чоралар тўхтатилди.
