Туркиялик сейсмолог Доган Перинчек Туркиянинг Чаноққалъа шаҳрида содир бўлиши мумкин бўлган янги зилзила ҳақида огоҳлантирди. Бу ҳақда “Газета.ру” хабар бермоқда.
Сейсмолог Дарданел бўғози соҳилидаги порт шаҳрида сўнгги 10 кун ичида сейсмик фаоллик кучайганини қайд этди. У 10 йилдан ортиқ вақт давомида махсус хариталар ёрдамида мамлакатдаги сейсмик фаолликни кузатиш ва таҳлил қилиш билан шуғулланганини таъкидлади.
“Уч йилдан бери Чаноққалъада зилзила бўлишини прогноз қилиб келаман. Ушбу ҳудудда ҳар 250 йилда бир марта 7 балли зилзила юз бериши хавфи бор. Бу охирги марта 287 йил олдин содир бўлган. Энди унинг вақти келди, у ерда ҳар қандай вақтда ер силкинишлари бошланиши мумкин”, — деди сейсмолог.
