Гидрометрология маркази қор кўчкиси хавфи эълон қилди. Шу сабабли, 15 феврал куни соат 22:30 дан А-373 “М-39 а/й Гулистон-Бўка-Ангрен-Қўқон-Андижон орқали-Ўш” автомобиль йўлининг "Қамчиқ" довонидан ўтган қисмининг 228-253 км.лар оралиғида 16 феврал куни соат 01:30 дан қор кўчкиси хавфи борлиги сабабли “Қамчиқ” довони автомобиллар ҳаракати учун вақтинча ёпилди. Бу ҳақда ЙҲХХ Матбуот хизмати хабар бермоқда.
"Довон йўли очилиши бўйича қўшимча хабар берилади" дейилади хабарда.
