Оқ уй шифокори Кевин О’Коннор АҚШ президенти Жо Байденнинг соғлиги ҳақида гапирди.
“Президент Байден 80 ёшли соғлом, бақувват қария бўлиб қолмоқда, у президентлик вазифаларини, жумладан, ҳукуматнинг ижро этувчи ҳокимият раҳбари, давлат раҳбари ва олий қўмондонлик вазифаларини муваффақиятли бажаришга қодир”, - деди О’Коннор.
Таъкидланишича, текширув вақтида Байдендан кўкрак қафасидаги кичик ўсимта олиб ташланган, у биопцияга юборилган.
Бундан ташқари, шифокорнинг таъкидлашича, Оқ уй раҳбарининг "ўта батафсил" неврологик текшируви инсульт, склероз ёки Паркинсон касаллигига мос келадиган натижаларни аниқламади. Ҳисоботда, шунингдек, Байденнинг "беқарор юриши" борлиги ва унга махсус ортопедиялар буюрилгани айтилади.
Бундан ташқари, президент томоғини тез-тез тозалаш зарурати билан тавсифланган "гастроэзофагиал рефлюкснинг вақти-вақти билан аломатларини" бошдан кечиради.
Аввалроқ АҚШ президенти Жо Байден ҳар йили тиббий кўрикдан ўтиш учун Валтер Рид номидаги Миллий ҳарбий тиббиёт марказига келгани хабар қилинганди. Охирги марта Байден 2021 йилнинг ноябрида кўрикдан ўтган, кейин шифокор ҳам у соғлом ва ўз вазифаларини бажаришда давом этиши мумкин деган хулосага келган.
