2023 йил 1 мартдан бошлаб кам учрайдиган касалликларни даволаш учун мўлжалланган орфан дори воситалари ҳамда тиббий буюмлар рақамли маркировкаланади.
Шунингдек, қарорга мувофиқ, 2023-йил 1-мартга қадар айланмага киритилган орфан дори воситалари улгуржи (диллер) ва чакана савдо (дорихона) корхоналари томонидан 3 йил давомида рақамли маркировкасиз сотилиши мумкин.
Маҳаллий ишлаб чиқарувчилар ва республикага олиб кирувчи корхоналар томонидан ҳар бир дона орфан дори воситалари DataMatrix-kodi ёрдамида рақамли маркировкаланади ҳамда айланмага (сотувга) киритилади.
Мазкур маҳсулотларни рақамли маркировкалаш мақсадида маркировка кодларини буюртма қилиш учун корхоналар “Асл белгиси” ахборот тизимидан рўйхатдан ўтиши талаб қилинади.
