Кеча, 6 март куни соат 20:28да Пахтаобод тумани “Юқори” МФЙ Келажак кўчасида харакатланиб кетаётган "Matiz" ёниб кетди. Бу ҳақда Андижон ФВБ хабар қилди.
Маълум қилинишича, Пахтаобод тумани “З.Хабибий”МФЙ Сувоқава кўчасида яшовчи 1974 йилда туғилган Х. Р.нинг бошқарувидаги, ўзига тегишли бўлган, 2006 йилда ишлаб чиқарилган, оқ рангли, Matiz русумли, давлат рақами 60R365SA бўлган автомобиль ҳаракатланиб кетаётганида ёнғин содир бўлиб, автомобилнинг матор ва салон қисми ёнган.
Ёнғинга 20:35да етиб бориб, 20:36да ўраб олиниб, 20:38да ўчирилган. Ёнғинни тахминий сабаби: электр симини қисқа туташуви натижасида. Зарари аниқланмоқда. Ёнғинга 1та ЁҚЭлари жалб этилган.
