2023 йилнинг 13 апрелидан бошлаб Uzbekistan Airways Ўзбекистон ва Япония ўртасида мунтазам авиақатновларни йўлга қўяди. Бу ҳақда компания Матбуот хизмати хабар бермоқда.
Кунчиқар мамлакатга тўғридан-тўғри парвозлар ҳар ҳафта пайшанба кунлари амалга оширилади.
"Авиачипталарни авиакомпаниянинг расмий www.uzairways.com сайти, шунингдек, “UzAirways” мобил иловаси, Uzbekistan Airways Sales орқали ёки авиакомпания агентларидан харид қилинг" дейилади хабарда.
