Бош прокурорнинг 10 март кунидаги буйруғига асосан Сирдарё вилояти прокурори Санжар Мавлонов ўз хоҳишига кўра эгаллаб турган лавозимидан озод қилинди. Бу ҳақда Darakchi.uz'га Бош прокуратура матбуот котиби Ҳаёт Шамсутдинов хабар берди.
Маълумот учун, Санжар Мавлонов бу лавозимга 2022 йил 30 апрель куни тайинланган эди.
Бунга қадар Тошкент шаҳар Шайхонтоҳур тумани прокурори лавозимида фаолият олиб борган.
Шунингдек, ижтимоий тармоқларда Санжар Мавлонов жиноят устида ушлангани сабаб ишдан бўшатилгани ҳақида хабарлар тарқалди. Бош прокуратура бундай хабарларни ҳақиқатга тўғри келмаслигини маълум қилди.
