23-31 март кунлари 12 ёшдан 30 ёшгача бўлган ёшлар учун самолёт чипталарига чегирма эълон қилинди

“Ёшлар туризми ҳафталиги” ўтказилиши муносабати билан "Uzbekistan Airways" жорий йилнинг 23-31 март кунлари маҳаллий йўналишлардаги авиақатновларга чегирма эълон қилди. 

Компания хабарига кўра, Ўзбекистон Республикаси фуқароси, яъни 12 ёшдан 30 ёшгача бўлган мактаб ўқувчилари, талабалар ва ёшлар учун эконом класс тарифларига 21% чегирма берилади.

Қайд этилишича, чегирмали авиачипталарни расмийлаштириш учун фақатгина "Uzbekistan Airways Sales"  ёки унинг агентларига мурожаат қилиш керак.