Тинч океани жанубидаги Тонга қироллиги яқинида 7 магнитудали зилзила қайд этилди.
Зилзила эпицентри 22,4 минг киши истиқомат қилувчи Тонга пойтахти Нукуалофа шаҳридан 1011 километр жанубда жойлашган. Орол аҳолиси цунами хавфи ҳақида огоҳлантирилган.
Эслатиб ўтамиз, шу йилнинг 6 февраль куни Туркияда 7,7 ва 7,6 магнитудали зилзилалар содир бўлганди. Унинг оқибатида 40 мингдан ортиқ одам ҳалок бўлди, 100 минг киши жароҳат олди. БМТ Туркиядаги зилзилаларнинг иқтисодий зарарини 100 миллиард долларга баҳолаган.
