18 март куни маҳаллий вақт билан соат 10:21 да Ўзбекистоннинг янги ташкил этилган "Centrum Air" авиакомпаниясининг Тошкент-Бухоро йўналишида парвоз қилаган самолёти Бухоро халқаро аэропортига қўнди. Анъанага кўра, самолёт сув аркаси билан, экипаж аъзолари ва 173 йўловчи эса тантанали равишда карнай ва сурнай садолари билан кутиб олинди.
Тошкент — Бухоро — Тошкент йўналиши бўйича мунтазам йўловчи қатновлари ҳафтасига икки марта — сешанба ва шанба кунлари "Airbus A320" самолётларида амалга оширилиши режалаштирилган.
"Centrum Air "— штаб-квартираси Тошкентда жойлашган, 2023 йил январ ойида йўловчи рейсларини амалга оширишга рухсат олган Ўзбекистоннинг "лоукостер" авиакомпанияси. Бугунги кунга қадар авиаташувчи паркида учта "Airbus А320" ва иккита "Boeing-737" мавжуд.
