Ўзбекистон терма жамоасининг икки футболчиси Саудия йиғинига бормайдиган бўлди

Ўзбекистон миллий терма жамоаси футболчиси Фарруҳ Сайфиев кичик жароҳати сабабли, Ҳожимат Эркинов эса тикланиш машғулотлари устида ишлаётгани боис Саудия Арабистонида бўлиб ўтадиган ўқув-машғулот йиғинларини ўтказиб юборади.

Олимпия терма жамоасига чақирилган Иброҳимхалил Йўлдошев МТЖ сафига бориб қўшилади. U-23 терма жамоасига эса «Олимпик» ҳимоячиси Аҳмадулло Муқумжонов жалб этилди.