Саида Мирзиёева Нью-Йорк шаҳрида ўзбек диаспораси вакиллари билан учрашди. Бу ҳақда у ўзининг расмий Телеграм каналида маълум қилди.
Учрашувда Нью-Йорк мэри Эрик Адамс ҳам қатнашган.
"Ватандошларимиз билан жуда илиқ суҳбатлашдик. Уларга юртимизда амалга оширилаётган улкан ислоҳотлар ҳақида сўзлаб бердим ва уларнинг ҳам юртимизда юз бераётган ўзгаришларга катта қизиқиш билан қараётганига гувоҳ бўлдим.
Юртдошларимизнинг аксарияти ўз тарихий Ватанидан узоқлашмагани, турли лойиҳаларни амалга ошириш орқали АҚШ ва Ўзбекистон ўртасидаги маданий, сиёсий ва иқтисодий алоқаларни мустаҳкамлашга интилаётганлиги жуда қувонарли.
Ота уйидан минглаб километр олисда бўлса-да, Ватанимизга нафи тегаётган ана шундай ҳамюртларимиздан миннатдорман", - дейди Мирзиёева.
