Дональд Трамп ўзига қарши тергов ҳаракатларини Сталин қатағонлари билан солиштирди. Бу ҳақда у Техасдаги чиқишида маълум қилган, деб ёзади zamon.uz.
Собиқ президентнинг сўзларига кўра, унга қарши суриштирув ишлари “энг бошидан ялмоғиз овига ўхшайди ва бирин-кетин сохта суриштирув”дан бошқа нарса эмас. Сиёсатчи ушбу иш билан шуғулланаётган прокурорларни танқид қилган.
Нью-Йорк прокуратураси Трампга қарши Строми Дэниелс билан боғлиқ ишни кўриб чиқмоқда. У Дэниелсга ўзи билан алоқаларни яшириш учун 130 минг доллар тўлашда айбланмоқда.
Бундан ташқари, ҳозирда суд ихтиёрида Трампга қарши икки полициячи ва 11 конгрессмен томонидан берилган даъво ҳам турибди. Улар 2021 йил 6 январь кунги “Капитолий воқеалари”да собиқ президенти айблашмоқда.
