Куни кеча “Zakovat Quiz”нинг Конституцияга киритилаётган ўзгартишларга бағишланган ўйини бўлиб ўтди.
Ўйинда илк бор 73 та жамоа иштирок этди. Бу 700 нафарга яқин билимдонлар бир жойга тўпланди дегани. Унда билимдонлар жорий йилнинг 30 апрелида мамлакатимизда бўлиб ўтиши кутилаётган референдум муносабати билан Конституциямизга киритилаётган ўзгартиш ва қўшимчаларга оид қизиқарли саволларга жавоб беришди.
Сўнгги тургача интрига сақланиб турган ўйинда қуйидаги жамоалар совринли ўринларни эгаллади:
1-ўрин – #STEAM;
2-ўрин – #InsOFF;
3-ўрин – #KRIPTONIT.
Ғолиб жамоаларга “Заковат интеллектуал клуби” ННТ томонидан ажратилган китоб тўпламлари топширилди. Шунингдек, “Zakovat Quiz” иштирокчилари орасида ўтказилган лотерея орқали турли китоблар ўз эгаларига топширилди.
Бундан ташқари кечаги ўйинда бадиий дастур ҳам ўтказилган бўлиб, унда Шоҳрух, Милена Мадмусаева ва бошқа санъаткорлар иштирок этишди.
