Ўзбек олимлари Амир Темурга тегишли 3 та қилич топилгани ҳақидаги маълумотни эълон қилишди.
"Амир Темурнинг бизга маълум бўлган қиличи бугунги кунда Эрон Ислом республикасидаги Теҳрон миллий музейида сақланмоқда.
Сўнгги йилларда эронлик тарихчи олимлари томонидан нашр қилинган бир қанча китоб-альбомларда Эрон Ислом республикаси музейларида Амир Темурга тегишли бир эмас, нақ учта қилич борлиги маълум бўлади.
Соҳибқиронга тегишли қиличлардан бири Теҳрон миллий музейида бўлса, қолган иккитаси шаҳардаги Саъдобод сарой-мажмуаси ҳудудидаги Ҳарбий музейда сақланаётгани аниқланди”, дея маълум қилган Темурийлар давлат тарихи музейи илмий ходими.
