АҚШ Ўзбекистоннинг “Оҳангаронцемент” цемент заводи ҳамда Алишер Усмоновнинг УМС холдингига тегишли Аккерманн Cемент CА компаниясига қарши санкциялар жорий қилди.
2021 йил май ойида Кипрнинг ЛЛаманка Энтерприсес компанияси “Оҳангаронцемент” заводи устав капиталидаги 84,197 фоиз улушини сотиб олган эди. Ўшанда битим суммаси 557,6 млрд сўмга баҳоланган. 2022 йил январь ойида Британия Виржиния оролларининг Ламанка Энтерприсес ва Гиаcинттар компаниялари “Оҳангаронцемент”даги улушларини 1,88 трлн сўмга сотганини эълон қилди. Кейинчалик акцияларнинг харидори Алишер Усмоновнинг УМС холдинги компанияси томонидан ташкил этилган Аккерманн Cемент CА эканлиги маълум бўлди.
“Усмоновнинг ихтиёрида кенг оффшор корхоналар тармоғи мавжуд ва у оила аъзолари орқали молиявий операцияларни амалга ошириши мумкин, бу эса унга санкцияларни четлаб ўтишга имкон беради”, — дея маълум қилди АҚШ молия вазирлиги.
АҚШ Ғазначилигининг Чет эл активларини назорат қилиш бошқармаси (ОФАC) янги санкциялар рўйхатига киритилган бир қатор компаниялар, жумладан Аккерманн Cемент CА билан операцияларни 11 июлгача тўхтатик учун лицензия берди.
“Металлоинвест”, УСМ Телеcом ва “Мегафон” ҳам санкциялар остида қолди. Рўйхатга Алишер Усмонов асос солган холдинг таркибига барча компаниялар киритилган. Шунингдек, “Металлоинвест” таркибига кирувчи корхоналар, жумладан, Михайловский ва Лебединский кон-қайта ишлаш комбинатларига ҳам чекловлар жорий этилди.
ОФАC миллий хавфсизлик, ташқи сиёсат ва санкциялар сиёсати мақсадларида жисмоний ва юридик шахсларни ушбу рўйхатга (СДН лист) жойлаштиради. СДН рўйхатидаги компанияларнинг активлари блокланади. Америка фуқаролари ва шахсларига улар билан ҳар қандай бизнес ёки битимлар олиб бориш тақиқланади.
“Оҳангаронцемент” заводи ХХ аср ўрталарида ташкил этилган. 1970 йилда комбинатга, 1980 йилда ишлаб чиқариш бирлашмасига айланди. 1994 йилда хусусийлаштирилиб, акциядорлик жамиятига айлантирилди. Зеромах узоқ вақт давомида корхонанинг асосий эгаси бўлди, 2006 йилда эса Россиянинг “Евроцемент” компанияси 75,5% улушини сотиб олган. Кейинчалик бу улуш 83,9% гача оширилди.
