“Тошшаҳартрансхизмат” Тошкент метрополитенининг навбатдаги босқичини қуриш ишлари доирасида Ер усти йўналишидаги "6-бекат" ва "7-бекат" оралиғида поездлар ҳаракати тўхтатилишини эълон қилди.
Маълум қилинишича, бугун 19 апрель куни, Янгиобод бозори ва Қўйлиқ бозори оралиғида поездлар ҳаракатланмайди.
Шу муносабат билан, йўловчиларнинг жамоат транспортига бўлган эҳтиёжини қондириш мақсадида “Қўйлиқ деҳқон бозори” сўнгги бекатидан ТҲАЙ, Роҳат айланма йўли, ТҲАЙ орқали Янгиобод бозори бекатигача ҳаракатланувчи вақтинчалик бепул автобус йўналиши ташкил этилди.
Мазкур ташкил этилган вақтинчалик автобус йўналишидаги ҳаракат жадваллари сони 4 та, йўналишнинг иш тартиби соат 5:00 дан 23:00 га қадар этиб белгиланган.
