Хитой Совет Иттифоқи таркибига кирган республикаларнинг суверенитетини ҳурмат қилади. Бу ҳақда Хитой Ташқи ишлар вазирлиги расмий вакили Мао Нинг маълум қилди.
Унинг сўзларига кўра, расмий Пекиннинг Қрим ярим ороли бўйича позицияси ўзгармаган. Хитой дипломатик миссияси вакили Париждаги элчи Лу Шаенинг минтақага эгалик қилиш ҳақидаги баёнотига шундай муносабат билдирди:
“СССР парчаланганидан кейин Хитой тегишли давлатлар билан дипломатик алоқаларни ўрнатган биринчи давлатлардан бири бўлди. Хитой Совет Иттифоқи парчаланганидан кейин ташкил этилган республикаларнинг суверен мақомини ҳурмат қилади", - деди Мао Нинг брифингда.
Аввалроқ Франциядан Лу Шае персона нон грата деб эълон қилиниши талаб қилингани маълум бўлган эди.
