Тупроққалъа туманида ота ўз фарзандини бўғиб ўлдирди. Бу ҳақда "zamon" информацион дастурида хабар қилинди.
Маълум қилинишича, туманнинг "Муҳаббат" маҳалласида вақтинча истиқомат қилувчи, 1980 йилда туғилган шахс жорий йилнинг 18 март куни соат 20-00лар атрофида 2016 йилда туғилган фарзандини бўғиб ўлдирган. Шундан сўнг ҳодиса бўйича ҳеч кимга билдирмасдан, турмуш ўртоғига танишлари билан учрашмоқчилигини айтиб, уйдан чиқиб кетган.
Ҳолат бўйича жиноят иши очилган ва гумонланувчи ҳибсга олинган.
