АҚШ ва унинг иттифоқчиларининг Марказий Осиёдаги ҳарбий иштирокини тиклашга уринишлари фонида Россия Қирғизистон ва Тожикистондаги базаларини огоҳлантириш даражасини оширмоқда, деди Россия Мудофаа вазири Сергей Шойгу. Бу ҳақда РИА Новости хабар бермоқда.
"АҚШ ва унинг иттифоқчилари терроризмга қарши курашда ёрдам бериш баҳонасида Марказий Осиёда ўз ҳарбий мавжудлигини тиклашга ҳаракат қилмоқда. Биз ШҲТ ҳудудидаги минтақа давлатларига ҳарбий инфратузилмани жойлаштириш бўйича сўровларни барқарорликка тўғридан-тўғри таҳдид деб биламиз", деди Шойгу жума куни Нью-Деҳлида бўлиб ўтган ШҲТга аъзо давлатлар мудофаа вазирларининг йиғилишида.
“Ўз навбатида, биз Россиянинг Қирғизистон ва Тожикистондаги ҳарбий базалари, шунингдек, юзага келиши мумкин бўлган таҳдидларга жавобан бошқа кучларнинг жанговар тайёргарлигини оширмоқдамиз”, — қўшимча қилди у.
