Ижтимоий тармоқларда Юнусобод туманидаги кўп қаватли бино ёнаётган тасвир тарқалди.
ФВВ ҳолат ҳақида маълумот берди.
Маълум бўлишича, бугун, 11 май куни соат 15:24 да Юнусобод тумани 14-даҳа "Севинч" МФЙда жойлашган кўп қаватли уй хонадонларининг бирида ёнғин содир бўлаётганлиги тўғрисида шаҳар ФВБга хабар тушган.
Шунга кўра, ёнғин-қутқарувчилар соат 15:32 да воқеа жойига етиб борган. Аниқланишича, ёнғин соат 15:54 да ўчирилган.
Натижада хонадоннинг 40 кв.м майдонида уй жиҳозлари ёниб зарарланган.
Таъкидланишича, ёнғинни бартараф этишга 3 та ёнғин-қутқарув экипажи ва 1 та автонарвон жалб этилган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
