Бизнесмен Илон Маск Twitter бош директори лавозимини тарк этади. Бу ҳақда у микроблогида ёзган, дея хабар бермоқда "meduza".
Маскнинг айтишича, у аллақачон янги бош директорни топган. У вориснинг исмини айтмади, фақат бу аёл эканлигини таъкидлади. У тахминан олти ҳафта ичида иш бошлайди.
Маскнинг ўзи компания директорлар кенгаши раиси ва техник директори лавозимларини эгаллайди. Тадбиркор нега бош директор лавозимини тарк этаётганига аниқлик киритмади.
Илон Маск Twitter’ни 2022 йил октябрь ойида 44 миллиард долларга сотиб олди. Унинг хатти-ҳаракатлари бир қатор мунозарали қарорлар, жумладан, унинг сиёсатига рози бўлмаган ходимларни оммавий равишда ишдан бўшатиш, пуллик текширувни жорий этишга уриниш ва норози журналистларнинг аккаунтларини блокировка қилиш туфайли бир неча бор танқид қилинган.
