Ижтимоий тармоқларда Сергелида тушунарсиз воҳимали нарсалар содир бўлмоқда маъносида видеолар тарқалди.
ИИВ матбуот хизматининг хабар беришича, суратга олинаётган янги фильмнинг тасвирга олиш жараёнида лавҳа экан.
"Метронинг Тошкент шаҳар, Янгиҳаёт тумани ҳудудидан ўтувчи 3-4-бекатлари оралиғида Ўзбекистон Республикаси Кинематография агентлиги томонидан ишчи номи "Уч қаҳрамон" бўлган бадиий фильм тасвирга олинаётганлигини маълум қиламиз" дейилади хабарда.
Фильм сценарийси бўйича безорилик ва ёнғин саҳналари ички ишлар органлари жамоат хавфсизлиги хизматининг назорати остида амалга оширилмоқда.
