Ўзбекистон 5 ойда 12 млн нафар бола 13 турдаги вакциналар билан эмланди

 Шу йил январь-май ойларида мамлакатимиз бўйича 12 млн. нафар болада бошқарилувчи юқумли касалликларга қарши 13 турдаги вакцина билан эмлаш тадбирлари ташкил этилди. 

 Бунинг учун даволаш-профилактика муассасаларининг эмлаш пунктларида 13 турдаги юқумли касалликларга қарши вакциналар захираси яратилди. 

Жумладан:

- республика бўйича 334 261 нафар гўдак вирусли гепатит В ва сил касаллигига қарши вакциналар билан; 

- 6 ёшдаги 354 562 нафар бола қизамиқ-паротит-қизилчага қарши вакцина билан;

- 9 ёшдаги 281 241 нафар қизр одам папиллома вирусига қарши эмланди.

Шунингдек:

- 353 558 нафар бола – ротавирусга қарши;

- 362 029 нафар ўғил-қиз – пентавалент вакцинаси билан дифтерия, кўкйўтал, қоқшол, хиб, пневмококк инфекциясига;

- 378 538 нафар бола – КПК вакцина билан қизамиқ-паротит-қизилчага қарши эмлаш воситасини олди. 

 Бундан ташқари, республика бўйича 7 ёшгача бўлган 3,5 млн. нафар бола ўртасида қизамиқ-қизилчага қарши тегишли кўрсатма бўйича оммавий эмлаш тадбирлари ўтказилди.